Retschertga tematica
da nossas medias en il sectur a liber access
rubricas appreziadas
nov per utilisaders inscrits: nossas purschidas digitalas
Cudesch grischun da l'onn 2010
Dals 15 da mars fin ils 27 da mars ha lieu en la biblioteca chantunala la concurrenza per il cudesch grischun da l'onn 2010.
En la tscherna stattan cudeschs da l'onn 2009 ch'èn cumparids en chasas edituras grischunas, ch'èn vegnids scrits d'auturas e d'auturs grischuns u che tematiseschan il Grischun.
Ils cudeschs èn exponids – ensemen cun las cartas e cun l'urna per sa participar a la concurrenza – sin il plaunterren da la biblioteca chantunala.
Tip
Tar l'effectiv da la biblioteca chantunala tutgan passa 9'000 titels en lingua rumantscha.
Retschertgai en noss catalog online tenor titel u tenor sectur spezial ubain fufragnai en noss sectur a liber access.
Il portal Library PressDisplay sco nova purschida da la biblioteca chantunala dal Grischun
Tut las visitadras e tut ils visitaders da la biblioteca pon utilisar il portal PressDisplay.
Supplementarmain a las gasettas ed als magazins stampads che stattan a disposiziun al plaunterren, pudais Vus utilisar gratuitamain il portal Library PressDisplay al computer en la cafeteria.
I sa tracta d'in portal da gasettas che stat a disposiziun en l'internet e che cuntegna passa 1000 gasettas quotidianas e magazins dal mund entir, tranter auter er gasettas quotidianas ed emnilas da la Svizra. Caracteristicas da PressDisplay:
• Mintga gasetta cumpara en sia structura ed en ses format original. Il text è cumplet ed i vegnan mussadas tut las illustraziuns.
• Access fin 90 dis rectroactivamain
• Tschertga tenor chavazzins
• Tschertga extendida, p.ex. tenor autura u autur, tenor titel, tenor lingua
• Stampar e spedir artitgels
Las suandantas gievgias han lieu mintgamai da las 12.30 fin las 13.00 curtas introducziuns gratuitas. 4 da mars, 11 da mars, 18 da mars e 25 da mars 2010.
I n'è betg necessari da s'annunziar. Nus ans inscuntrain mintgamai al spurtegl d'infurmaziun e d'emprest al plaunterren da la biblioteca chantunala.
Nus ans legrain d'As pudair dar questa nova pussaivladad da fufragnar davart temas actuals e da scuvrir novas chaussas en Voss champs d'interess.
